Economeg a Chysylltiadau Rhyngwladol

Pam astudio Economeg a Chysylltiadau Rhyngwladol ym Mhrifysgol Aberystwyth?

• Cewch eich dysgu gan ymchwilwyr blaenllaw’r Adran Gwleidyddiaeth Ryngwladol a’r Ysgol Fusnes yn Aberystwyth.
• Prifysgol Aberystwyth oedd y brifysgol gyntaf yn y byd i sefydlu adran Gwleidyddiaeth. Fe’i sefydlwyd ym 1919 ar ôl diwedd y Rhyfel Byd Cyntaf i helpu'r byd i ddeall y byd.
•  Mae Cysylltiadau Rhyngwladol yn ymwneud â sut rydyn ni'n mynd ati i ymdrin â heriau byd-eang. Mae Cysylltiadau Rhyngwladol yn sefyll wrth groesfan hanesyddol hynod ddiddorol ond anodd, sefyllfa y mae angen i ni i gyd ei deall, ei hegluro ac - fel bodau gwleidyddol - chwarae ein rhan ni yn ei dyfodol. Wrth i’r 'Gorllewin' ddirywio i sefyllfa gymharol wannach, mae grymoedd a gweithredwyr newydd wedi codi, ac wrth i natur y problemau lleol, cenedlaethol, rhanbarthol, rhyngwladol a byd-eang fynd yn fwyfwy cymhleth a chydgysylltiedig, mae oes newydd yn dechrau ym myd gwleidyddiaeth.
• Mae’r elfen o’r radd hon sy’n ymwneud â Chysylltiadau Rhyngwladol yn cynnig cyfle i astudio'r cysyniadau, yr arferion, y polisïau, yr hanesion a’r rhanbarthau sy'n rhoi ffurf i wleidyddiaeth fel disgyblaeth, ac i archwilio sut mae'r holl ffactorau hyn yn cael eu gweddnewid yn helaeth yn yr unfed ganrif ar hugain.
• Yn yr agweddau ar y radd sy’n canolbwyntio ar Economeg, byddwch yn astudio sut mae unigolion, cwmnïau, marchnadoedd, llywodraethau a sefydliadau eraill yn cyfuno i gynhyrchu a dosbarthu nwyddau a gwasanaethau er mwyn cyflawni'r canlyniadau a ddymunir i’r gymdeithas, a pha mor effeithiol ydynt yn hynny o beth. Mae’r ffordd o gymhwyso damcaniaeth economaidd hefyd wedi esblygu i ystyried materion cyfoes megis: y ffactorau a achosodd yr argyfwng ariannol, ei effeithiau, a'r atebion sydd wedi’u cynnig i’w ddatrys; effeithiau masnach, globaleiddio, anonestrwydd, a newid yn yr hinsawdd ar ddatblygu economaidd.
• Fe ddatblygwch sgiliau gwerthfawr o ran dadansoddi, rhifau, dadansoddi data a datrys problemau, a fydd yn eich galluogi i ddeall sut mae pobl, busnesau, sefydliadau a llywodraethau yn gwneud penderfyniadau, ac effeithiau penderfyniadau o'r fath ar unigolion a’r gymdeithas.

Ein Staff

Caiff myfyrwyr Ysgol Fusnes Aberystwyth eu dysgu gan ddarlithwyr a staff dysgu eraill sy'n weithgar mewn gwaith ymchwil ac yn ymarferwyr arbenigol yn eu dewis maes. 

Mae gan dros 75% o’r aelodau o staff sy’n dysgu’n llawn amser gymhwyster hyd at lefel PhD. Ar hyn o bryd mae'r rhan fwyaf ohonynt yn weithgar mewn gwaith ymchwil, sy'n golygu bod myfyrwyr yn elwa o gael dysgu gwybodaeth 'newydd' yn eu dewis maes yn ogystal ag astudio testunau cydnabyddedig. Mae'r Ysgol hefyd yn cyflogi staff rhan-amser a llawn amser sydd wedi'u neilltuo ar gyfer dysgu yn unig.  Mae llawer o’r staff rhan-amser yn cyfuno dyletswyddau dysgu gyda gwaith ymgynghori a gweithgareddau busnes, gan sicrhau bod myfyrwyr yn gallu cael gafael nid yn unig ar yr ymchwil ddiweddaraf ond hefyd yr wybodaeth gymhwysol ddiweddaraf.

Mae pob un o ddarlithwyr yr Adran Gwleidyddiaeth Ryngwladol yn ymchwilwyr gweithgar ac mae ganddynt gymwysterau hyd at safon PhD, ac mae gan y rhan fwyaf hefyd TUAAU.

Mae Ysgol Fusnes Aberystwyth a'r Adran Gwleidyddiaeth Ryngwladol ill dwy yn cynnig llawer o gyfleoedd i fyfyrwyr i feithrin cyswllt â chyflogwyr ac ymgymryd â phrofiad gwaith perthnasol, â thâl neu’n ddi-dâl, yn ystod y cwrs.

Mae'r Adran Gwleidyddiaeth Ryngwladol hefyd yn cynnal y rhaglenni canlynol ar gyfer pob myfyriwr:

1. Cynllun Lleoliadau Gwaith Seneddol - sy'n golygu y cewch brofiad gwerthfawr o weithio ochr yn ochr ag Aelod Seneddol (Tŷ'r Cyffredin, San Steffan) neu Aelod o’r Senedd (Senedd Cymru, Caerdydd) am gyfnod o 4-6 wythnos yn ystod yr haf. Yn ystod yr amser hwnnw fe fyddwch yn ysgrifennu adroddiadau ac areithiau, yn gwneud prosiectau ymchwil ac yn ymateb i faterion sy'n codi yn yr etholaeth. Efallai y bydd cyfleoedd pellach i chi gymryd rhan mewn etholiadau ac amryw faterion rhyngwladol.
2. Interstate - sef y cyfnodolyn gwleidyddiaeth ryngwladol hynaf ym Mhrydain i gael ei redeg gan fyfyrwyr, sy'n rhoi cyfle unigryw i chi i gyhoeddi'ch gwaith (sydd yn enwedig o fanteisiol os hoffech fynd ymlaen i astudiaethau uwchraddedig) neu i gael profiad gwerthfawr o weithio’n rhan o'r tîm golygyddol. Mae cymdeithasau myfyrwyr yn cynnig ysbrydoliaeth ac yn meithrin ymdeimlad cymunedol cryf yn yr adran, gyda rhaglenni o ddadleuon gwleidyddol, siaradwyr gwadd, cynadleddau a gweithdai, ynghyd â llawer o weithgareddau cymdeithasol megis y ddawns flynyddol.

Ar ôl cwblhau'r radd Economeg a Chysylltiadau Rhyngwladol, byddwch wedi meithrin y sgiliau canlynol:

• Deall ymddygiad a strwythur sefydliadau; 
• Gwell sgiliau rhifedd a'r gallu i ymchwilio, dehongli a defnyddio data busnes ac ariannol;
• Dealltwriaeth ddofn o’r hyn sy’n achosi newidiadau economaidd a newidiadau allanol eraill, ac o’u heffeithiau;
• Y gallu i gyfathrebu'n glir yn ysgrifenedig ac ar lafar;
• Datrys problemau’n effeithiol;
• Sgiliau dadansoddi a meddwl yn greadigol;
• Gwneud penderfyniadau;
• Gallu gweithio'n annibynnol ac yn aelod o dîm; 
• Sgiliau rheoli amser a threfnu;
• Hunanddibyniaeth a'r gallu i’ch ysgogi eich hun.