Cymdeithaseg (gyda blwyddyn integredig mewn diwydiant)

Bydd gradd BA mewn Cymdeithaseg (gyda blwyddyn integredig mewn diwydiant) yn Aberystwyth yn eich galluogi i:

• werthuso syniadau, cysyniadau a dulliau yn feirniadol ar draws y pwnc cyfan ac o fewn canghennau penodol Cymdeithaseg; 
• gynnal ymchwil annibynnol, gan gymhwyso ystod o sgiliau o ran casglu, dadansoddi a chyflwyno data; byddwch yn datblygu ystod o sgiliau ac yn gallu eu cymhwyso i amrywiaeth o faterion Cymdeithasegol; 
• gydnabod bod eich profiad dysgu wedi cael ei atgyfnerthu'n gadarnhaol drwy gael cyswllt ag ymchwil; 
• werthuso eich perfformiad eich hun mewn amrywiaeth o gyd-destunau dysgu ac o dan wahanol ddulliau asesu; 
• weithio'n annibynnol, mewn tîm a chydag ymwybyddiaeth gymdeithasol o'r cyfraniad a wnaed gan ysgolheictod ac ymchwil gymhwysol yn eu disgyblaeth at bolisi cymdeithasol; 
• feddu ar y sgiliau a'r ymwybyddiaeth angenrheidiol i chwilio am waith mewn amrywiaeth o yrfaoedd proffesiynol neu i ddechrau ymchwil ac astudiaethau ôl-raddedig.

Ein Staff

Yr Adran Daearyddiaeth a Gwyddorau Daear: mae gan bob un o'r darlithwyr gymhwyster hyd at safon PhD neu maent yn gweithio tuag at PhD.

Mae astudio Cymdeithaseg yn sylfaen gadarn ar gyfer ystod eang o yrfaoedd gan gynnwys y cyfryngau, gwaith cymdeithasol, datblygiad rhyngwladol, cyswllt cymunedol, a'r gwasanaeth sifil ymhlith llawer mwy. Y dyddiau hyn, mae cyflogwyr yn chwilio am raddedigion a chanddynt sgiliau amrywiol, yn cynnwys y gallu i feddwl yn ddadansoddol ac yn ddargyfeiriol. Bydd y radd hon yn rhoi ichi amrywiaeth o sgiliau hyblyg, a dyna pam mae graddedigion Cymdeithaseg yn apelio at gyflogwyr yn genedlaethol. 

Mae graddedigion wedi symud ymlaen i: 

• Troseddeg, yr Heddlu; 
• Iechyd a Gofal Cymdeithasol; 
• Gwaith cymdeithasol; 
• Polisi Cymdeithasol (gan gynnwys tai cyhoeddus, gwaith cymdeithasol, gweinyddiaeth llywodraeth leol a'r sector gwirfoddol); 
• Rheolaeth; 
• Newyddiaduraeth; 
• Cysylltiadau Cyhoeddus; 
• Dysgu; 
• ⁠Ymchwil.

Profiad Gwaith / Blwyddyn mewn Diwydiant 

Cynhelir eich Blwyddyn mewn Diwydiant rhwng eich ail flwyddyn a'ch blwyddyn olaf o astudio. Gall eich lleoliad gwaith dewisol fod yn gyflogedig neu’n ddi-dâl, ond fe'ch cefnogir i chwilio am waith gan ein staff yn yr Adran Daearyddiaeth a Gwyddorau Daear a Gyrfaoedd a Chymorth i Fyfyrwyr.

Cyfleoedd Rhyngwladol 

Mae'r Adran hefyd wedi sefydlu Rhaglenni Cyfleoedd Byd-eang gyda Phrifysgol Bergen, Prifysgol Oulu, y Ffindir, a Chanolfan y Brifysgol yn Svalbard, gan roi profiad unigryw i fyfyrwyr o astudio yn un o amgylcheddau mwyaf eithafol y byd. Mae gennym hefyd gysylltiadau cryf â nifer o brifysgolion yng Ngogledd America, lle gall myfyrwyr fynd i gwblhau eu hail flwyddyn astudio. Yn ystod y blynyddoedd diwethaf, mae ein cydlynydd Cyfnewid wedi goruchwylio lleoliadau ym Mhrifysgol Purdue (Indiana), Prifysgol Alabama, Prifysgol Georgia, Prifysgol Montana a Phrifysgol Ottawa yng Nghanada.