BSc

Cadwraeth Bywyd Gwyllt (gyda blwyddyn integredig mewn diwydiant)

Mae’r cwrs yma ar gael trwy Clirio.
Cysylltwch â ni am ddim ar: 0800 121 40 80

Cadwraeth Bywyd Gwyllt (gyda blwyddyn integredig mewn diwydiant) Cod C184 Dewch i Ddiwrnod Agored Dewch i Ddiwrnod Agored Llefydd ar gael trwy Clirio – 0800 121 40 80

Ymgeisio Nawr

Prif Ffeithiau

C184

  • Tariff UCAS

    120 - 104

  • Hyd y cwrs

    4 blynedd

  • Cyfrwng Cymraeg

    32%

Ar gael ar gyfer Dechrau Medi 2025

Manylion pellach ynglŷn â'r gofynion mynediad

Ymgeisio Nawr

Mewn cyfnod o newid byd-eang digynsail, mae'r angen i warchod bioamrywiaeth wedi dod i'r amlwg ym maes ymchwil a pholisi. Mae bioamrywiaeth fyd-eang yn wynebu nifer o fygythiadau, gan gynnwys newid yn yr hinsawdd, colli a darnio cynefinoedd, a rhywogaethau goresgynnol. Diben ein gradd Gwarchod Bywyd Gwyllt yw rhoi ichi ddealltwriaeth fanwl o’r cysyniadau ecolegol sy’n sail i warchod fflora, ffawna a chynefinoedd, ar raddfa leol a byd-eang. 

Trosolwg o'r Cwrs


Mae’r cwrs pedair blynedd hwn yn cynnwys blwyddyn sylfaen integredig, wedi'r flwyddyn honno mae'r cwrs yr un fath a'r cwrs tair blynedd safonol, BSc Cadwraeth Bywyd Gwyllt (C183). 

Bydd y cwrs BSc Cadwraeth Bywyd Gwyllt o ddiddordeb i'r rhai sydd am gymryd ymagwedd gyfannol sy'n cwmpasu pob agwedd ar gadwraeth bywyd gwyllt ac, ar yr un pryd, archwilio cefndir gwybodaeth wyddonol a chysyniadau ecolegol a gymhwysir at gadwraeth fflora, ffawna a chynefinoedd mewn perygl. 

Byddwch yn dysgu am y prosesau ecolegol ac esblygiadol sydd wedi siapio cynefinoedd allweddol, a’r rhyngweithio rhwng y cynefinoedd hyn a’r bywyd gwyllt y maent yn ei gefnogi. Byddwch hefyd yn archwilio’r grymoedd gwleidyddol, ariannol a chymdeithasol sy’n sail i warchod bywyd gwyllt a rheoli’r amgylchedd. Gyda’r sylfaen hon, byddwch yn deall pwysigrwydd gwarchod bioamrywiaeth ar ystod o raddfeydd, o fioamrywiaeth genetig i fïomau cyfan, a byddwch yn datblygu’r wybodaeth academaidd a’r sgiliau ymarferol sydd eu hangen i allu cyfrannu at y blaenoriaethau hyn yn eich gyrfa broffesiynol.  

Mae’r amrywiaeth o gynefinoedd difyr a phwysig a geir yn Aberystwyth, gan gynnwys y môr, rhostir, mynyddoedd, glaswelltir a'r arfordir, yn creu ystafell ddosbarth naturiol ddelfrydol ar gyfer dysgu sgiliau ymarferol. Fel myfyriwr, cewch fwynhau bywyd gwyllt a chefn gwlad heb ei ail, gyda chyfleoedd i weld rhywogaethau anifeiliaid cyffredin a phrin y DU fel dolffiniaid trwyn potel, morloi llwyd yr Iwerydd, bele’r coed, dyfrgwn, gweilch y pysgod a barcutiaid coch.  

Mae Aberystwyth dafliad carreg oddi wrth lawer o gynefinoedd sy'n cael eu cydnabod yn rhyngwladol, yn cynnwys safle UNESCO Biosffer Dyfi, dau wlypdir RAMSAR, dwy ardal cadwraeth arbennig forol, dwy Warchodfa Natur Genedlaethol, sawl safle o ddiddordeb gwyddonol arbennig i enwi dim ond rhai, sy'n cynnig cyfleoedd gwaith maes a hamdden gwych i chi.  

Mae’r elfen a ddysgir o’r radd Cadwraeth Bywyd Gwyllt (gyda blwyddyn integredig mewn diwydiant) (C184) yn union yr un peth â’r cwrs cyfatebol tair-blynedd, BSc Cadwraeth Bywyd Gwyllt (C183). Byddwch yn gwneud eich blwyddyn mewn diwydiant yn eich trydedd flwyddyn, ym Mhrydain neu dramor. Byddwch yn cael arolygaeth ac asesiadau ac fe fydd yn cyfrif tuag at ddosbarth eich gradd. Yn ystod eich blwyddyn mewn diwydiant fe fyddwch yn talu ffi ddysgu lai.  

Mae’r cwrs hwn wedi’i achredu gan y Gymdeithas Fioleg Frenhinol. 

Ein Staff

Mae gan y rhan fwyaf o staff dysgu Adran Gwyddorau Bywyd gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant. Mae yn yr Adran nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Modiwlau Dechrau Medi - 2025

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Modiwlau Craidd

Teitl y Modiwl Cod y Modiwl Gwerth Credyd
Climate and Climate Change BR16620 20
Ecoleg a Chadwraeth BG19320 20
Genetics, Evolution and Diversity BR17120 20
Amrywiaeth Microbau a Phlanhigion BG19920 20
Sgiliau ar gyfer Gwyddonwyr Bywyd Gwyllt BG15720 20

Opsiynau

Teitl y Modiwl Cod y Modiwl Gwerth Credyd
Biological chemistry BR17320 20
Comparative Animal Physiology BR16720 20

Modiwlau Craidd

Teitl y Modiwl Cod y Modiwl Gwerth Credyd
An Introduction to Landscape Ecology and Geographic Information Systems BR25520 20
Marine Biology BR22620 20
Dulliau Ymchwil BG27520 20
Wildlife Surveying BR29620 20

Opsiynau

Teitl y Modiwl Cod y Modiwl Gwerth Credyd
Animal Behaviour BR21620 20
Climate Change: Plants, Animals and Ecosystems BR21120 20
Tropical Zoology Field Course BR23820 20

Modiwlau Craidd

Teitl y Modiwl Cod y Modiwl Gwerth Credyd
Integrated Year in Industry BRS0060 60
Integrated Year in Industry BRS0160 60

Modiwlau Craidd

Teitl y Modiwl Cod y Modiwl Gwerth Credyd
Global Biodiversity Conservation BR33420 20
Traethawd Estynedig BG36440 40
Wildlife Conservation BR34520 20

Opsiynau

Teitl y Modiwl Cod y Modiwl Gwerth Credyd
Animal Behaviour Field Course BR34920 20
Cwrs Maes Ecoleg Ddaearol BG36620 20
Environmental Regulation and Consultancy BR35620 20
Freshwater Biology Field Course BR37720 20
Marine Biology Field Course BR30020 20
Population and Community Ecology BR33920 20
Sustainable Land Management BR30420 20
Terrestrial Ecology Fieldcourse BR36620 20

Gyrfaoedd

Bydd graddedigion y radd hon yn gymwys i ddilyn gyrfa mewn bioleg a rheoli cadwraethol, yn y DU a thramor. Hefyd, gall myfyrwyr ddewis dilyn gyrfaoedd mewn meysydd cysylltiedig megis addysg amgylcheddol, neu wneud ymchwil uwchraddedig ar lefel Meistr neu PhD.  

Gallai myfyrwyr ar y cwrs hwn fynd i weithio mewn sefydliad sy'n ymwneud â bioleg cadwraeth neu reoli amgylcheddol cyffredinol, megis:   

  • Cyfoeth Naturiol Cymru  
  • Yr Ymddiriedolaethau Bywyd Gwyllt  
  • Y Ganolfan Ecoleg a Hydroleg  
  • RSPB  
  • Yr Ymddiriedolaeth Genedlaethol  
  • Asiantaeth yr Amgylchedd  
  • Adrannau awdurdodau lleol  
  • Cyrff anllywodraethol.  

Ar ôl cwblhau blwyddyn mewn diwydiant byddwch yn gallu: 

  • defnyddio’r hyn a ddysgwch ar eich cwrs ym myd gwaith  
  • gwneud cysylltiadau gwerthfawr yn y diwydiant  
  • datblygu sgiliau ymarferol sy'n gysylltiedig â'ch maes astudio  
  • cyfoethogi blwyddyn olaf eich astudiaethau am eich bod yn sylweddoli’n well sut i’w chymhwyso i'ch gyrfa  
  • cyfoethogi eich CV yn sylweddol a chynyddu eich rhagolygon o lwyddiant yn y farchnad swyddi.  

Sylwch nad yw lleoliadau gwaith ar gael yn awtomatig i bob ymgeisydd. Byddwch yn gyfrifol am sicrhau eich lleoliad profiad gwaith eich hun, gyda chefnogaeth ein Cydlynydd Blwyddyn mewn Diwydiant a’r cynghorydd gyrfaoedd i gynyddu eich siawns o lwyddo. Os nad ydych yn llwyddo i sicrhau profiad gwaith, byddwch yn gallu trosi eich cwrs i fersiwn tair blynedd y radd BSc Cadwraeth Bywyd Gwyllt (C183).  

Dysgu ac Addysgu

Beth fydda i’n ei ddysgu?    

Yn y flwyddyn gyntaf, mewn dosbarthiadau damcaniaethol ac ymarferol, byddwch yn edrych ar amrywiaeth anhygoel bywyd ar y Ddaear. Cewch gyflwyniad i blanhigion y tir, o safbwynt eu hesblygiad, eu bioamrywiaeth, eu ffisioleg a sut mae pobl yn eu defnyddio, a byddwch yn meithrin ddealltwriaeth am y prif brosesau amgylcheddol ar y ddaear sydd wedi dylanwadu ar fiota yn y gorffennol a'r presennol. Byddwch yn dysgu am ddulliau ymarferol o warchod rhywogaethau, cynefinoedd ac ecosystemau, ac yn dysgu am y wyddoniaeth sy'n sail i'r hinsawdd a'r newid yn yr hinsawdd. Fe edrychwch ar ecoleg a bioleg planhigion ac yn ystyried heriau'r dyfodol, megis sut mae ymateb i newid hinsawdd byd-eang a gwarchod bioamrywiaeth. Drwy gydol y cwrs byddwch yn datblygu’ch sgiliau ymarferol ac yn magu hyder wrth gasglu a dadansoddi data gwyddonol.  

Yn yr ail flwyddyn, byddwch yn dysgu'r egwyddorion ecolegol sy'n sail i gadwraeth rhywogaethau ac yn magu’r sgiliau ymarferol sydd eu hangen ar yr ymarferydd cadwraeth proffesiynol heddiw. Byddwch yn cael sylfaen drylwyr ar ddefnyddio Systemau Gwybodaeth Ddaearyddol (GIS) i astudio patrymau dosbarthu gofodol cynefinoedd a deall eu goblygiadau ecolegol. Byddwch hefyd yn dysgu am ecosystemau ac ecoleg y moroedd. Bydd amrywiaeth o fodiwlau dewisol yn rhoi i chi gyfle i ehangu’ch dealltwriaeth am gadwraeth ac amgylcheddau naturiol, ac i ymgymryd â gwaith maes dramor mewn lleoliadau trofannol.  

Yn y drydedd flwyddyn byddwch yn ymgymryd â’ch lleoliad profiad gwaith mewn diwydiant cysylltiedig â cadwraeth bywyd gwyllt. Efallai y cewch gyfle i wneud rhywfaint neu’r cyfan o’ch blwyddyn mewn diwydiant dramor, os dymunwch wneud hynny.  

Yn y flwyddyn olaf, byddwch yn meithrin gwybodaeth wyddonol ddyfnach am gadwraeth planhigion ac anifeiliaid mewn cynefinoedd daearol a dyfrol. Byddwch yn archwilio i gyfraddau colli bioamrywiaeth, dirywiad ecosystemau, a goblygiadau hynny i ecoleg, ac yn edrych ar y dewisiadau ar gyfer lleihau’r colledion hynny. Bydd prosiect ymchwil gorfodol yn rhoi cyfle i chi i wneud ymchwil fanwl o dan arweiniad arolygydd.   Gall eich prosiect fod yn seiliedig ar arbrofion yn y labordy neu ymarferion gwaith maes, ac fe all gynnwys elfen o fodelu cyfrifiadurol neu ddadansoddi data. 

Sut fydda i'n cael fy nysgu?  

Byddwch yn cael eich dysgu mewn darlithoedd a seminarau, sesiynau tiwtora, astudiaethau achos, sesiynau ymarferol yn y labordy a gwaith maes ar gyfer gwaith ymchwil.  

Asesu  

Cewch eich asesu trwy draethodau, arholiadau, cyflwyniadau, wicis, portffolios, adroddiadau, gweithgareddau ymarferol, e-gyfryngau a chynlluniau rheoli cadwraeth.   

Tiwtor Personol 

Bydd tiwtor personol yn cael ei neilltuo i chi, a’r person hwn fydd eich prif gyswllt trwy gydol eich astudiaethau. Bydd eich tiwtor personol yno i’ch helpu i ymgartrefu pan fyddwch yn cyrraedd gyntaf, a bydd wrth law i’ch helpu gyda materion academaidd neu faterion personol. 

Gofynion Mynediad Nodweddiadol

Tariff UCAS 120 - 104

Safon Uwch BBB-BCC with B in Biology

Gofynion TGAU (o leiaf gradd C/4):
English or Welsh, Science and Mathematics

Diploma Cenedlaethol BTEC:
DDD-DDM in a specified subject

Bagloriaeth Ryngwladol:
30-28 with 5 points in Biology at Higher Level

Bagloriaeth Ewropeaidd:
75%-65% overall with 7 in Biology

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig

|