Bioleg (gyda blwyddyn integredig mewn diwydiant)

Bydd maes llafur y cwrs BSc Bioleg (C102) gyda’r flwyddyn integredig mewn diwydiant yn union yr un fath ag ar y chwaer gwrs BSc Bioleg (C100). Bydd y flwyddyn mewn diwydiant yn cael ei asesu, ac mae’n rhaid i'r gwaith fod yn berthnasol i'r radd. Bydd disgwyl i chi drefnu’r lleoliad profiad gwaith eich hun, gydag arweiniad gan ein Cyfarwyddwr Cyflogadwyedd. Does dim gwarant y bydd tâl am y gwaith, ac os na allwch chi ddod o hyd i leoliad, bydd rhaid i chi drosglwyddo I'r radd BSc Bioleg (C100). Yn ystod eich blwyddyn mewn diwydiant, byddwch yn talu ffioedd dysgu is.

Yn ystod y tair blynedd y byddwch ar y Campws, ni fydd rhaid i chi gyfyngu eich hun i un maes bioleg yn unig ar ein cwrs gradd BSc Bioleg. Gallwch fod yn astudio microbioleg yn y bore, ac yn ymchwilio i fywyd mewn twyni tywod yn y prynhawn. Mae strwythur ein cyrsiau gradd yn hyblyg ac yn caniatáu i chi gadw eich opsiynau'n agored neu arbenigo mewn un maes.

Byddwch yn cael eich addysgu gan staff brwdfrydig, ymroddgar a chyfeillgar sydd ag arbenigedd ar draws yr ystod lawn o bynciau Biolegol. Nid darlithwyr yn unig yw ein staff, ond unigolion sy’n weithgar ym maes ymchwil, ac mae’r ymchwil hwn yn dylanwadau ar gynnwys ein cyrsiau, sy’n golygu eich bod chi’n elwa’r o’r wybodaeth ddiweddaraf. Rydym wedi buddsoddi’n helaeth a thros nifer o flynyddoedd yn ein cyfleusterau ymchwil, ac yn rhan o’r modiwl Prosiect Ymchwil, mae’n bosibl y cewch gyfle i weithio yn yr unedau ymchwil ar y prif gampws, neu yn ein cyfleuster ymchwil pwrpasol yng Ngogerddan ar gyrion Aberystwyth.  

Bydd eich astudiaethau academaidd yn cael eu hategu gan gyfoeth o waith labordy a dosbarthiadau maes sy'n meithrin sgiliau gwyddonol go iawn sy'n hanfodol ar gyfer eich dyfodol. Byddwch yn archwilio anatomeg a strwythur, ffisioleg ac ymddygiad ochr yn ochr â’r rhesymeg wyddonol ar gyfer anghenion trigfannau a rhyngweithiadau ecosystemau. Cwrs ymarferol yw hwn lle byddwch yn samplu, cofnodi a dadansoddi data yn ein labordai llawn cyfarpar yn ogystal ag allan yn y maes. Mae Aberystwyth wedi'i lleoli ymhlith bryniau, dyffrynnoedd coediog, gwlyptiroedd, glannau tywodlyd a chreigiog ac, wrth gwrs, dyfroedd perffaith Bae Ceredigion.

Ein Staff

Mae gan y rhan fwyaf o staff dysgu Adran Gwyddorau Bywyd gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant. Mae yn yr Adran nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Gwella eich rhagolygon gyrfaol gyda’r flwyddyn mewn diwydiant 

Mae ymchwil o arolygon diweddar a gynhaliwyd gan y cwmni High Fliers Research Limited yn dangos bod oddeutu traean o swyddi i raddedigion yn mynd i unigolion sydd wedi gweithio i gwmni yn rhan o leoliad gwaith neu interniaeth. 

Bydd treulio blwyddyn mewn diwydiant yn caniatáu i chi wneud y canlynol:

• defnyddio'r wybodaeth y byddwch wedi ei dysgu ar eich cwrs yn y gweithle 
• datblygu cysylltiadau yn y diwydiant 
• datblygu sgiliau ymarferol sy’n berthnasol i'ch astudiaethau 
• defnyddio eich sgiliau ymarferol a thechnegol newydd ar ôl i chi ddychwelyd i'r cwrs 
• ychwanegu at eich CV a pharatoi eich hun ar gyfer swydd ar ôl i chi raddio.

Dylech nodi mai chi eich hun fydd yn gyfrifol am ddod o hyd i'r lleoliad gwaith. Fodd bynnag, cewch gymorth gan ein Cydlynydd Profiad Gwaith a chan un o’n ymgynghorwyr gyrfaoedd. Os na fyddwch yn llwyddo i ganfod lleoliad, cewch newid i'r cwrs BSc Bioleg (C100).

Mae graddedigion diweddar yn gweithio i awdurdodau addysg, Asiantaeth yr Amgylchedd, sefydlaoedd cadwraeth, cwmnïau fferyllol, y GIG, canolfannau bywyd môr, labordai iechyd cyhoeddus a’r diwydiant dŵr, i enwi ond ychydig. 

Maent yn gweithio fel: 

• gwyddonwyr ymchwil 
• genetegyddion moleciwlaidd clinigol 
• swyddogion cadwraeth natur 
• Addysgwyr.

Gallai myfyrwyr sydd wedi graddio mewn Bioleg fynd ymlaen hefyd i gael hyfforddiant pellach ym maes:

• deintyddiaeth 
• meddygaeth 
• ysgrifennu am wyddoniaeth.

Mae gan Brifysgol Aberystwyth Wasanaeth Gyrfaoedd rhagorol ac mae gennym ein Cynghorwr Gyrfaoedd proffesiynol, ymroddedig ein hunain. Mae gennym aelod o staff sy'n Gyfarwyddwr Cyflogadwyedd i'r Adran hefyd ac rydym yn ymdrechu'n gyson i wreiddio a gwella'r gwaith o gyflwyno sgiliau'r byd go iawn ym mhob modiwl a gynigiwn. 

Pa sgiliau fydda i'n eu datblygu wrth astudio Bioleg? 

Mae cyflogadwyedd wedi'i wreiddio yn ein holl addysgu. Mae ein myfyrwyr yn gadael Prifysgol Aberystwyth gyda'r sgiliau canlynol:

• sgiliau ymchwil a dadansoddi data 
• sgiliau mathemategol a chyfrifiadol uwch 
• sgiliau datrys problemau a meddwl creadigol effeithiol 
• sgiliau technoleg gwybodaeth 
• y gallu i weithio'n annibynnol 
• sgiliau rheoli amser a threfnu, gan gynnwys y gallu i weithio i derfynau amser 
• y gallu i fynegi syniadau a chyfleu gwybodaeth mewn modd clir a threfnus, yn ysgrifenedig ac ar lafar 
• hunangymhelliant a hunanddibyniaeth  
• gweithio mewn tîm a’r gallu i drafod cysyniadau mewn grwpiau, rhoi lle i syniadau gwahanol a dod i gytundeb.

Pa gyfleoedd sydd ar gael am brofiad gwaith wrth astudio?

Dysgwch am y gwahanol gyfleoedd y mae ein Gwasanaeth Gyrfaoedd yn eu cynnig. 

Gallwch wella'ch cyfleoedd cyflogaeth gyda GO Wales a’r cynllun Blwyddyn Mewn Gwaith sy'n cael eu rheoli gan ein Gwasanaeth Gyrfaoedd.