Astudiaethau Celtaidd

BA Astudiaethau Celtaidd Cod Q500 Dewch i Ddiwrnod Agored Dewch i Ddiwrnod Agored

Prif Ffeithiau

Q500

Tariff UCAS

120 - 104
Hyd y cwrs

4 blynedd
Cyfrwng Cymraeg

85%

Manylion pellach ynglŷn â'r gofynion mynediad

Mae'r cynllun gradd BA Astudiaethau Celtaidd ym Mhrifysgol Aberystwyth yn gyfle i chi astudio'r Gymraeg ar y cyd ag ieithoedd Celtaidd eraill, gan gynnwys yr Wyddeleg, Gaeleg yr Alban, a Llydaweg. Cewch gyfle hefyd i astudio eu llenyddiaeth o'r cyfnod canoloesol i'r cyfnod modern. Cewch gyfle i wella eich sgiliau siarad ac ysgrifennu yn yr ieithoedd modern, a darllen testunau yn ieithoedd y canol oesoedd a'r cyfnod modern cynnar, ochr yn ochr â dysgu am ieithoedd a diwylliannau'r hen Geltiaid, a sut y bu iddynt gyfrannu at greu'r Ewrop fodern.

Bydd cyfle i dreulio tymor dramor yn un o'n sefydliadau partner yn Iwerddon, Llydaw neu mewn rhan arall o Ewrop.

Cynlluniwyd y cwrs Astudiaethau Celtaidd i fod ar gael i'r rhai sy'n anghyfarwydd â'r ieithoedd Celtaidd.

Sylwch: Cwrs a ddarperir yn rhannol drwy gyfrwng Saesneg yw hwn. Y cwrs 100% cyfrwng Cymraeg cyfatebol yw Cymraeg a'r Ieithoedd Celtaidd (Q562).

Trosolwg o'r Cwrs

Mae Astudiaethau Celtaidd yn bwnc hynod ddifyr, a bydd y radd bedair blynedd hon yn rhoi ichi ddealltwriaeth drylwyr o ddiwylliant, llenyddiaeth, hanes ac ieithoedd Prydain, Iwerddon, Ewrop a'r tu hwnt o'r cyfnod cynharaf hyd heddiw. Yn ogystal â dod â byd y pobloedd Celtaidd yn fyw, bydd y cwrs hwn hefyd yn rhoi ichi'r cyfle i astudio ieithoedd Celtaidd penodol.

Mae Aberystwyth yn enwog am ei ymrwymiad i fforiadau i fyd Astudiaethau Celtaidd a hwn yw'r lleoliad delfrydol i'r rhai sy'n dymuno datblygu eu diddordeb yn y pwnc hwn. Fe'i ceir yng nghanol Cymru, lle mae'r canoloesol a’r modern yn eistedd ochr yn ochr â’i gilydd yn gyfforddus. Lle well i astudio’r Gymraeg ynghyd â rhai o ieithoedd eraill hynaf Ewrop.

Does dim rhaid ichi fod yn rhugl yn y Gymraeg na’r Wyddeleg i astudio'r cwrs Celtic Studies gan mai cwrs cyfrwng Saesneg yw hwn. Cymraeg a'r Ieithoedd Celtaidd (Q562) yw'r cwrs cyfrwng-Cymraeg cyfatebol.

O ddewis astudio Astudiaethau Celtaidd yn Aberystwyth, byddwch yn ymuno ag adran sydd ymhlith y rhai sydd â'r amgylchedd academaidd ac ysgolheigaidd bywiocaf yn y byd ym maes Astudiaethau Celtaidd. Cewch eich dysgu gan dîm o arbenigwyr ysbrydoledig sy'n arwain y byd ym maes iaith a diwylliant Cymreig a Gwyddelig, ac fe gewch ddewis o blith ystod hynod ddiddorol o fodiwlau sy'n adlewyrchu diddordebau ymchwil diweddaraf ein darlithwyr. Cewch hefyd gyfle i wneud cais am ysgoloriaeth i astudio cwrs iaith dwys yn Iwerddon, diolch i Lywodraeth Iwerddon.

Yn ategol at eich astudiaethau, cewch fanteisio ar raglen o ddigwyddiadau ysgogol drwy fynychu cyfoeth o ddarlithoedd cyhoeddus, nosweithiau lansio llyfrau, perfformiadau a sgyrsiau yn yr Adran ei hun a'r tu allan iddi. Cewch hefyd fanteisio ar y casgliadau prin o lenyddiaeth a geir yn Llyfrgell Genedlaethol Cymru, sydd ar stepen drws Campws Penglais, a mwynhau'r elfen gymdeithasol sydd i'r gymuned Gymraeg yma.

Ein Staff

Mae holl staff academaidd Adran y Gymraeg ac Astudiaethau Celtaidd yn ysgolheigion sy'n gwneud gwaith ymchwil ac yn arbenigwyr yn eu dewis feysydd astudio, gan gynnwys astudiaethau iaith a llenyddiaeth yn ogystal ag ysgrifennu creadigol.

Modiwlau Dechrau Medi - 2023

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Modiwlau Craidd

Teitl y Modiwl	Cod y Modiwl	Gwerth Credyd
Beginning Modern Welsh 1	WE11220	20
Beginning Welsh ii	WE11320	20
Introduction to Welsh Literature	WE11420	20
Introduction to the Literature of Gaelic Ireland	IR11720	20
Cymru a'r Celtiaid	GC11820	20

Modiwlau Craidd

Teitl y Modiwl	Cod y Modiwl	Gwerth Credyd
Cymraeg Llafar	CY13020	20
Trafod y Byd Cyfoes twy'r Gymraeg	CY10920	20
Ysgrifennu Cymraeg Graenus	CY11720	20
Introduction to Modern Irish Language I	IR10620	20
Introduction to Modern Irish Language II	IR12220	20
Modern Irish Language and Literature for Non-Beginners	IR11220	20

Opsiynau

Teitl y Modiwl	Cod y Modiwl	Gwerth Credyd
Introduction to Old Irish	IR11920	20
Sgiliau Astudio Iaith a Llên	CY13120	20

Modiwlau Craidd

Teitl y Modiwl	Cod y Modiwl	Gwerth Credyd
Middle Irish Texts in Context	IR22520	20
Modern Irish (Language and Literature)	IR23120	20
Cymraeg Llyfr a Chymraeg Llafar	CY21420	20

Modiwlau Craidd

Teitl y Modiwl	Cod y Modiwl	Gwerth Credyd
Early Irish Saga Literature	IR32320	20
Gloywi Iaith yr Ail Iaith	CY31120	20
Modern Irish (Language and Literature) 3+4	IR32520	20

Gyrfaoedd

Yn ystod y cwrs, byddwch yn datblygu llu o sgiliau trosglwyddadwy - sgiliau y mae cyflogwyr yn eu gwerthfawrogi'n fawr. Dyma rai enghreifftiau:

ymchwilio a dadansoddi data
meddwl yn greadigol a datrys problemau’n effeithlon
gweithio’n annibynnol
trefnu a rheoli amser, gan gynnwys y gallu i gwrdd â therfynau amser tynn
mynegi syniadau a chyfathrebu gwybodaeth yn glir a threfnus, ar lafar ac yn ysgrifenedig
hunan-gymhelliant a hunan-ddibyniaeth
gwaith tîm, gallu trafod cysyniadau mewn grwpiau, gan drafod amrywiol syniadau a dod i gytundeb
sgiliau technoleg gwybodaeth.

Beth fydda i'n gallu ei wneud gyda gradd mewn Astudiaethau Celtaidd?

Mae sawl maes yn gwerthfawrogi'r hyfforddiant eang yn y Dyniaethau a'r cyswllt â chysyniadau diwylliannol a hanesyddol a gynigir gan gwrs gradd fel Astudiaethau Celtaidd. Cewch gyfle i ddefnyddio'r sgiliau trosglwyddadwy y byddwch wedi eu datblygu dros gyfnod eich cwrs i'r eithaf yn eich dewis yrfa.

Mae graddedigion y radd Astudiaethau Celtaidd yn canfod gwaith mewn amrywiaeth o yrfaoedd, gan gynnwys addysg, gweinyddu, y cyfryngau a'r sector cyhoeddus, yma a thramor.

Bydd y sgiliau ymchwilio a dadansoddi y byddwch wedi eu datblygu hefyd yn sail gadarn i astudio’n uwchraddedig ac am yrfa yn y byd academaidd.

Pa gyfleoedd fydd ar gael am brofiad gwaith wrth astudio?

Dysgwch fwy am y gwahanol gyfleoedd y mae Gwasanaeth Gyrfaoedd Prifysgol Aberystwyth yn eu cynnig.

Cewch wella eich cyfleoedd cyflogaeth gyda GO Wales a’r cynllun Blwyddyn Mewn Gwaith a reolir gan y Gwasanaeth Gyrfaoedd.

Dysgu ac Addysgu

Beth fydda i'n ei ddysgu?

Rydym yn cynnig modiwlau Cymraeg a Gwyddeleg, ond cewch hefyd ddewis astudio ac ymchwilio i ieithoedd megis Gaeleg yr Alban, Breton a Manx a'r diwylliant Geltaidd ehangach. Diben y radd pedair blynedd hon yw eich annog i archwilio'ch diddordebau eich hun mewn meysydd megis:

llenyddiaeth Gymraeg 
barddoniaeth menywod yn Iwerddon, yr Alban a Chymru
llenyddiaeth saga Wyddelig gynnar 
ieitheg Geltaidd gymharol 
barddoniaeth farddaidd Aeleg  
hen Wyddeleg a Chymraeg ganol 
y Mabinogion 
llenyddiaeth Geltaidd am y tirlun
Brenin Arthur y Cymry.

Yn y flwyddyn gyntaf cewch gyfle i ysytyried cwestiynau mawr yn ymwneud â hunaniaeth, diwylliant a llenyddiaeth. Cewch hefyd eich cyflwyno i iaith Geltaidd fodern.

Yn ystod y blynyddoedd eraill byddwch yn canolbwyntio ar ehangu ac atgyfnerthu eich gwybodaeth am yr ieithoedd Celtaidd - y cyfoes a'r hen - a llenyddiaeth a diwylliant y Celtiaid o'r hanes cyntaf hyd heddiw.

Sut bydda i’n cael fy addysgu?

Yn Adran y Gymraeg byddi'n dysgu trwy gyfuniad o ddarlithoedd traddodiadol, seminarau a dulliau dysgu arloesol eraill. Mae awyrgylch fwy anffurfiol yn y seminarau, er mwyn meithrin trafodaeth fwy agored.

Sut bydda i'n cael fy asesu?

Bydd eich gwaith yn cael ei asesu drwy arholiadau, drwy asesu cyson, a thrwy osod a marcio traethodau ac ymarferion.

Tiwtor Personol

Bydd tiwtor personol yn cael ei bennu ichi am gyfnod cyfan eich cwrs gradd. Bydd y tiwtor yn gallu rhoi cymorth ichi gydag unrhyw broblemau neu ymholiadau, yn faterion academaidd neu bersonol. Mae croeso i chi gysylltu â’ch tiwtor personol ar unrhyw adeg os byddwch angen cymorth.

Gofynion Mynediad Nodweddiadol

Tariff UCAS 120 - 104

Safon Uwch BBB-CCC gyda thystiolaeth o allu ieithyddol

Gofynion TGAU (o leiaf gradd C/4):
Cymraeg neu Saesneg

Diploma Cenedlaethol BTEC:
DDM-DMM gyda thystiolaeth o allu ieithyddol

Bagloriaeth Ryngwladol:
30-26 gyda thystiolaeth o allu ieithyddol

Bagloriaeth Ewropeaidd:
75%-65% yn gyffredinol gyda thystiolaeth o allu ieithyddol

Mae'r Brifysgol yn croesawu ceisiadau israddedig gan fyfyrwyr sy'n astudio'r Diploma Mynediad i Addysg Uwch neu gymwysterau lefel T, ar yr amod eu bod yn cyflawni'r canlyniadau perthnasol o ran cynnwys y pwnc a'r dysgu. Ni allwn dderbyn Diplomâu Mynediad i Addysg Uwch na lefelau T fel cymhwyster cyffredinol ar gyfer pob cwrs gradd israddedig.
Mae ein polisi derbyn cynhwysol yn rhoi gwerth ar ehangder yn ogystal â dyfnder yr astudio. Dewisir ymgeiswyr ar sail eu teilyngdod eu hunain a gall cynigion amrywio. Os hoffech wirio a yw eich cymwysterau yn gymwys cyn cyflwyno cais, cysylltwch â'r Swyddfa Derbyn Israddedigion am gyngor ac arweiniad.

Yn ôl i'r brig