Microbioleg (gyda blwyddyn integredig mewn diwydiant)

Pam astudio Microbioleg ym Mhrifysgol Aberystwyth?

• Mae maes llafur y cwrs hwn gyda blwyddyn integredig mewn diwydiant yn union yr un fath â'i chwaer gwrs, BSc Microbioleg (C500). Rhaid i'ch profiad gwaith fod yn berthnasol i'r radd hon; asesir y flwyddyn a bydd yn cyfri tuag at eich gradd.
• Bydd disgwyl i fyfyrwyr drefnu eu profiad gwaith o dan arweiniad ein Cyfarwyddwr Cyflogadwyedd. Nid oes sicrwydd y byddwch yn cael eich talu am y profiad gwaith. (Os na allwch ddod o hyd i leoliad, bydd angen i chi drosglwyddo i'w chwaer gwrs, BSc Microbioleg (C500).
• Yn ystod eich blwyddyn o brofiad gwaith, byddwch yn talu ffioedd dysgu gostyngol, a gellir dod o hyd i'r manylion yma.
• Caiff ei addysgu gan staff angerddol sy'n arbenigwyr yn eu maes. Efallai eich bod wedi gweld rhai ohonynt ar raglenni dogfen ar y teledu, neu wedi gwrando arnyn nhw ar eich hoff sioe radio wyddonol.
• Ein cyfleusterau ardderchog, sy'n cynnwys:

1. Labordy bio-ddelweddu a microsgopeg blaengar;
2. Uned sbectromedreg màs a dadansoddi;
3. Cyfleusterau eplesu o raddfa labordy i weithfa beilota.

• Dewch i ddysgu mewn sefydliad ymchwil ac addysgu byd-enwog;
• Mae Cyfleoedd Rhyngwladol ar gael drwy leoliadau gwaith ac astudio.
• Mae modd gwneud rhai modiwlau drwy gyfrwng y Gymraeg hefyd. Mae rhagor o wybodaeth ar gael o dan y tab modiwlau. 

Ein Staff

Mae gan y rhan fwyaf o staff dysgu Athrofa'r Gwyddorau Biolegol, Amgylcheddol a Gwledig gymwysterau hyd at safon PhD ac maent yn ymchwilwyr gweithgar. Hefyd, mae gan staff y cyrsiau galwedigaethol gefndir ym myd diwydiant.  Mae yn yr Athrofa nifer fawr o staff sy'n gwneud ymchwil yn unig ac mae'n bosib y bydd y myfyrwyr yn dod i gysylltiad â hwy.

Noder: Y modiwlau a restrir isod yw'r modiwlau y bwriedir eu cyflwyno ar hyn o bryd yn ystod y flwyddyn academaidd nesaf ac mae'n bosibl y gallant newid. Maent wedi'u cynnwys yma i roi syniad o strwythur y cwrs.

Mae ein graddedigion yn ymgeiswyr cryf yn y swyddi canlynol:

• Gwyddonydd ymchwil
• Rheolwr labordy
• Cymorth technegol a gwerthu
• Addysg

Gallai myfyrwyr sydd wedi graddio mewn gradd bioleg fynd ymlaen hefyd i gael hyfforddiant pellach ym maes:

• Ymchwil
• Meddygaeth
• Newyddiaduraeth wyddonol
• Addysgu

Eich blwyddyn mewn diwydiant:

Yn ddi-os, byddwch yn magu hyder, a bydd ennill profiad yn y diwydiant yn ysgogi eich brwdfrydedd am y pwnc.

Bydd cwblhau blwyddyn mewn diwydiant yn eich galluogi:

• i gymhwyso'r dysg o'ch cwrs i'r amgylchedd gwaith;
• i wneud cysylltiadau yn y diwydiant;
• i ddatblygu sgiliau ymarferol sy'n gysylltiedig â'ch maes astudio;
• i gymhwyso eich sgiliau ymarferol a'ch gwybodaeth dechnegol ar ôl dychwelyd i astudio;
• i wella eich CV a pharatoi eich hun yn well am swydd ar ôl graddio.

Dylai myfyrwyr ar y cynllun hwn nodi nad oes gan yr athrofa leoliadau awtomatig ar gyfer pob ymgeisydd. Chi fydd yn gyfrifol am ddod o hyd i'r profiad gwaith. Fodd bynnag, bydd Cydlynydd Profiad Gwaith ein hathrofa yn gallu eich cynorthwyo, yn ogystal â'n cynghorydd gyrfaoedd penodedig (James Cuffe, jpc11@aber.ac.uk). Os na fyddwch yn dod o hyd i brofiad gwaith, bydd modd i chi drosi eich cwrs yn fersiwn tair blynedd o'r pwnc yn lle.