Daearyddiaeth Ddynol (gyda blwyddyn integredig yn astudio dramor)

Pam astudio Daearyddiaeth Ddynol ym Mhrifysgol Aberystwyth?

Mae'r rhaglen hon wedi'i hachredu gan y Gymdeithas Ddaearyddol Frenhinol (gydag IBG). 

Fel cymuned Ddaearyddiaeth fawr a dynamig, gallwn gynnig ystod eang iawn o arbenigedd, cyfleoedd a chyfleusterau daearyddol:

• tueddiadau cyfredol o ran Geoberyglon
• cynaliadwyedd dinesig
• datblygu rhanbarthol
• daearyddiaeth wleidyddol a diwylliannol
• cyfleoedd gwaith maes yn Seland Newydd, Creta, Efrog Newydd ac Iwerddon
• dyfarniadau teithio ar gael bob blwyddyn i ariannu eich anturiaethau eich hun (hyd at £400)
• cyfleusterau addysgu o'r radd flaenaf, gyda'r dechnoleg ddiweddaraf i wella dysg
• labordai â stoc llawn, gyda gwledd o offer dadansoddi e.e. sbectromedrau màs a sganwyr craidd, y gellir eu defnyddio ar gyfer gwaith maes ac astudiaeth annibynnol
• profiad rhyngwladol yn ystod eich blwyddyn yn astudio dramor yn un o'n Prifysgolion partner ledled Ewrop a gweddill y byd.

Ein Staff

Yr Adran Daearyddiaeth a Gwyddorau Daear: mae gan bob un o'r darlithwyr gymhwyster hyd at safon PhD neu maent yn gweithio tuag at PhD.

Beth alla i ei wneud gyda gradd mewn Daearyddiaeth Ddynol?

Mae ein graddedigion wedi canfod gwaith, er enghraifft, fel ymgynghorwyr amgylcheddol, cynllunwyr, gweision sifil, syrfewyr, ac ym maes addysg, ymhlith llawer o feysydd eraill.

Mae cyflogadwyedd wedi'i wreiddio ym mhob cwrs rydym yn ei ddarparu. Mae ein graddau'n cynnig sylfaen gadarn ar gyfer amrywiaeth eang o yrfaoedd ar draws ystod o sectorau. Mewn economi fyd-eang sy'n newid yn gyflym, mae ein graddedigion yn hyblyg ac yn gallu defnyddio ystod o sgiliau trosglwyddadwy, sy'n golygu bod galw amdanynt o hyd.

Mae'r setiau sgiliau'n cynnwys:

• sgiliau mathemategol a chyfrifiadol uwch
• sgiliau datrys problemau a meddwl creadigol effeithiol
• sgiliau technoleg gwybodaeth
• y gallu i weithio'n annibynnol ac fel rhan o dîm
• sgiliau rheoli amser a threfnu
• sgiliau cyfathrebu ar lafar ac yn ysgrifenedig
• hunanddibyniaeth a'r gallu i ysgogi eich hun.

Cyfleoedd pellach

Profiad gwaith:

Os oes gennych ddiddordeb mewn cyflawni profiad gwaith gwerthfawr wrth astudio Daearyddiaeth Ddynol ym Mhrifysgol Aberystwyth, yna mae'n bosib y bydd ein chwaer gwrs (L703) o ddiddordeb i chi. Mae'r chwaer gwrs hwn yn union yr un fath â'r cwrs BSc Daearyddiaeth Ddynol (L700), ond gallech ymgymryd â blwyddyn o astudio dramor yn hytrach na blwyddyn mewn diwydiant.

Mae'r Adran Daearyddiaeth a Gwyddorau Daear hefyd wedi sefydlu Rhaglen Gyfnewid Erasmus gyda Phrifysgol Bergen, Prifysgol Oulu, y Ffindir, a Chanolfan y Brifysgol yn Svalbard, gan roi profiad unigryw i fyfyrwyr gael astudio yn un o amgylcheddau mwyaf eithafol y byd. Mae cysylltiadau cryf gennym hefyd gyda nifer o brifysgolion yng Ngogledd America, lle gall myfyrwyr gwblhau eu hail flwyddyn o astudio. Yn ystod y blynyddoedd diwethaf, mae ein Cydlynydd Cyfnewid wedi bod yn goruchwylio cyfnewidfeydd ym Mhrifysgol Purdue (Indiana), Prifysgol Alabama, Prifysgol Georgia, Prifysgol Montana a Phrifysgol Ottawa yng Nghanada.